aðgangur að öllum myndböndunum í seríunni „Kjaftað um kynlíf“!
Hér setjum við inn nokkur en til að fá aðgang að öllum myndböndunum þá fylgirðu einfaldlega leiðbeiningunum í jólatölvupóstinum þínum.
Myndband þetta er eitt af yfir tuttugu myndböndum í seríunni „Kjaftað um kynlíf – foreldrar fræða börn sín“ sem byggir á uppseldri samnefndri handbók eftir Siggu Dögg kynfræðing. Myndböndunum er skipt eftir aldri barnsins en í þetta myndband er eitt af sex myndböndum sem fræða foreldra um hvað skuli ræða og hvernig við börn á aldrinum 0-6 ára.
Þannig að ef þú ert foreldri barns á þessum aldri, þá er þetta myndband fyrir þig.
Í þessu myndbandi verður fjallað um hvernig þú getur alltaf staðið fyrir svörum, sama hvaða spurningu barnið þitt kemur með.
Af hverju ættir þú að fræða barnið þitt um kynlíf?
Börn fæðast sem kynverur en fræðast um kynlíf og kynverund út frá ýmsu í umhverfi sínu. Það gera sér kannski ekki margir grein fyrir því að upphaf kynfræðslunnar og mótun kynverundar á sér stað um leið og þú tekur nýfætt barnið þitt í faðminn, kyssir það og knúsar. Börn læra af snertingu, umræðum um líkamann og af samböndum fólks í kringum það. Kynfræðsla er því ferli sem helst út lífið á öllum æviskeiðum og er samsett úr mörgum ólíkum þáttum. Það má ímynda sér að hver þáttur sé einn kubbur, sem hægt er að raða saman á margs konar hátt. Það er því engin ein rétt eða röng leið til að ræða og fræða um kynlíf, því öll erum við einstök.
Það sem mestu máli skiptir er að hefja samræðurnar og það er alltaf réttur tími!
